”కల్పకం పేరు పెట్టినందుకు నా పాలిటి కల్పతరువే అయ్యావు తల్లీ. సుఖించు. దీర్ఘ సుమంగళీ భవ… నాయనా విశ్వం! కులాలను పట్టుకు వ్రేళ్ళాడే కుసంస్కారిని కాను బాబూ. నీ మంచిముందు, నీ నీతి ముందు, నీ బుద్ధిమంతనం ముందు ఏ కులస్థుడు తలెత్తగలడు? మరే ఐశ్వర్యవంతుడు మాట్లాడగలడు? నువ్వే ఒక కులానికీ, గుణానికీ, మంచికీ వ్యాఖ్యాతవు. కలకాలం సుఖించండి.”
”నాన్నా, మరి నా యిష్టం ఏమిటో అడగరా?” అన్నది కల్పకం. ”మరి మీరంతా నావద్ద నాతోవుంటేనే ఈ వివాహానికి అంగీకరిస్తాను.”
చిరునవ్వుతో అమె శిరస్సు నిమిరాడు పాపారావు సమాధానంగా. రుణాదేవి కల్పకంను రెండుచేతులతోనూ చుట్టి అభినందించింది.