జ్ఞానం ఒక శక్తిగా గుర్తించబడింది. జ్ఞానం కలవారిని సమాజం పూజించింది. గౌరవించింది. ఆ గౌరవం తనకే మిగలాలని, తను మాత్రమే పూజనీయుడు కావాలని, తన వారసత్వానికి మాత్రమే ఆ గౌరవం చెందాలనే మనిషి స్వార్థం అసమానతలకు దారితీసి వుండవచ్చు. మరి ఆ తప్పు జ్ఞానానిదా? మనిషి స్వార్థానిదా?

 జ్ఞానాన్ని సొంతం చేసుకున్న మనిషి స్వార్థం వల్ల జ్ఞానం నష్టపోయింది. సమాజంలో అసమానతలు పెరిగాయి. మనిషిలో స్వార్థాన్నినిందించవలసింది పోయి, జ్ఞానాన్ని నిందించడం మొదలుపెట్టాం. ఒక జ్ఞానధార కుంటుపడింది. దానితో సమాజం పూర్తిగా నష్టపోయింది. మన సంస్కృతి పట్ల మనకే గౌరవం లేని పరిస్థితి. ఇది ఎంతవరకు సమంజసం?